FU’ yellow lie the corn rigs
Far doun the braid hillside;
It is the brawest harst field
Alang the shores o’Clyde,–
And I’m a puir harst-lassie
That stan’s the lee-lang day
Shearing the corn-rigs of Ardbeg
Aboon sweet Rothesay Bay.
O I had ance a true-love,–
Now, I hae nane ava;
And I had ance three brithers,
But I hae tint them a’;
My father and my mither
Sleep i’ the mools this day.
I sit my lane amang the rigs
Aboon sweet Rothesay Bay.
It’s a bonnie bay at morning,
And bonnier at the noon,
But it’s bonniest when the sun draps
And red comes up the moon:
When the mist creeps o’er the Cambrays,
And Arran peaks are gray,
And the great black hills, like sleepin’ kings,
Sit grand roun’ Rothesay Bay,
Then a bit sigh stirs my bosom,
And a wee tear blin’s my e’e,–
And I think o’that far Countrie
What I wad like to be!
But I rise content i’ the morning
To wark while wark I may
I’ the yellow harst field of Ardbeg
Aboon sweet Rothesay Bay.
(Dinah Maria Mulock Craik)
More Poetry from Dinah Maria Mulock Craik:
Dinah Maria Mulock Craik Poems based on Topics: Kings & Queens, Morning- Our Father's Business: (Dinah Maria Mulock Craik Poems)
- Benedetta Minelli (Dinah Maria Mulock Craik Poems)
- Moon-Struck (Dinah Maria Mulock Craik Poems)
- Only a Woman (Dinah Maria Mulock Craik Poems)
- A Man's Wooing (Dinah Maria Mulock Craik Poems)
- Looking Death In The face (Dinah Maria Mulock Craik Poems)
Readers Who Like This Poem Also Like:
Based on Topics: Kings & Queens Poems, Morning PoemsBased on Keywords: countrie, puir, alang, ava, true-love, blin, stan, bonniest, doun, clyde, wark