O’ a’ the jobs that sweat the sark
Gie me a kintra doctor’s wark,
Ye ca’ awa’ frae dawn till dark,
Whate’er the weather be, O!
Some tinkler wife is in the strae,
Your boots are owre the taps wi’ clay
Through wadin’ bog an’ sklimmin’ brae
The besom for to see, O!
Ye ken auld Jock o’ Windybarns?
The bull had near ca’ed oot his harns,
His een were blinkin’ fu’ o’ starns,
An’ doon they ran for me, O!
There’s ae guid wife, we’re weel acquaint,
Nae trouble’s kent but what she’s taen’t,
Yet aye she finds some new complaint,
O’ which I hae the key, O!
She’s had some unco queer mishaps,
Wi’ nervish wind and clean collapse,
An’ naethin’ does her guid but draps-
Guid draps o’ barley-bree, O!
I wouldna care a docken blade,
Gin her accoont she ever paid,
But while she gi’es me a’ her trade,
There’s ne’er a word o’ fee, O!
Then De’il hae a’ thae girnin’ wives,
There’s ne’er a bairn they hae that thrives,
It’s aye the kink-hoast or the hives
That’s gaun to gar them dee, O!
Tak’ ony job ye like ava!
Tak’ trade, the poopit or the law,
But gin ye’re wise ye’ll haud awa’
Frae medical degree, O!
(David Rorie)
More Poetry from David Rorie:
David Rorie Poems based on Topics: Weather, Business & Commerce, Law & Regulation, Complaints- Tam And The Leeches (David Rorie Poems)
- The Nicht That The Bairne Cam' Hame (David Rorie Poems)
- The Bane-Setter (David Rorie Poems)
- Brithers (David Rorie Poems)
- MacFadden And MacFee (David Rorie Poems)
- The Pawky Duke (David Rorie Poems)
Readers Who Like This Poem Also Like:
Based on Topics: Law & Regulation Poems, Business & Commerce Poems, Weather Poems, Complaints PoemsBased on Keywords: taen, wark, mishaps, ava, jock, sark, acquaint, hives, bairn, blinkin, thae
- Threnodia Augustalis: Overture - Pastorale (Oliver Goldsmith Poems)
- The Song Of Hiawatha XV: Hiawatha's Lamentation (Henry Wadsworth Longfellow Poems)
- The Progress Of Patriotism (Nicholas Amhurst Poems)
- Jerusalem Delivered - Book 02 - part 06 (Torquato Tasso Poems)
- The Nation's Loss (Jacob Rhodes Poems)